Վարչապետի պաշտոնակատար Նիկոլ Փաշինյանը հյուրընկալել է Flagship Pioneering և Moderna Therapeutics ընկերությունների հիմնադիր և գործադիր տնօրեն, «Ավրորա» մարդասիրական նախաձեռնության համահիմնադիր Նուբար Աֆեյանին։ Նրանք
քննարկել են համազգային օրակարգին, ՀՀ կառավարության ծրագրերին, Հայաստանի զարգացմանն ուղղված համատեղ ծրագրերին վերաբերող հարցեր։Նուբար Աֆեյանը շնորհավորել է Նիկոլ Փաշինյանին ընտրությունների և հաջողությունների կապակցությամբ և նշել, որ ընտրությունների արդար և օրինակելի տարբերակը շատ լավ նշան է երկրի ապագայի համար:
<<Գիտեմ, որ շատ խնդիրներ կան թե՛ երկրի, թե՛ ազգի առջև այս վերջին տարվա ճգնաժամերի հետևանքով: Հուսով եմ, որ կկարողանանք զրուցել ապագայի տարբեր մոտեցումների շուրջ: Այսինքն՝ ինչպես փորձել, որպեսզի կարողանանք ապագան ավելի փայլուն և արդյունավետ դարձնել՝ միասնաբար աշխատելով>>, ասել է Նուբար Աֆեյանը։
Հանդիպման մասին ավելին՝
Նմանատիպ այլ հրապարակումներ